Uğur qazanmış idmançılarımız İdmanın II günü məktəbimizin qonağı oldular
2-ci günün yekununda isə məktəbin 9 və 10–cu sinif şagirdləri idman nailiyyətləri olan idmançılarla görüşdə oldular. Belə ki, məktəbimizə qonaq qismində məzunlarımız: uğur qazanmış idmançılar, Dünya və V İslam Həmrəyliyi Oyunlarının çempionu Anar Məmmədov, Beynəlxalq turnirlərin qalibi və mükafatçısı, Beynəlxalq Cüdo Federasiyası Akademiyasının məzunu Rafiq Nəcəfov dəvət olunmuşdular. Məktəblilər çempionlarımızla həmsöhbət olaraq onların uğur hekayələrini dinlədilər.Onlar idmanda olan nailiyyətlərindən, uğurların əldə olunmasında onlara dəstək olan müəllimlərdən, fiziki tərbiyənin onların həyatında müsbət rolundan söhbət açdılar. Şagirdlərə idmanla müntəzəm məşğul olmağı, daim öz üzərlərində işləməyi, bütün həyatları boyunca sağlam həyat tərzini qoruyub saxlamağı tövsiyyə etdilər. Şagirdlər özlərini maraqlandıran müxtəlif suallar verərək cavablandırıldılar. Görüş çox maraqlı qarşılandı. Şagirdlərimiz dünya şöhrətli idmançımızla xatirə fotoları çəkdirdilər.
