İdmançıların yarışa hazırlığının psixoloji yanaşması mövzusunda dəyirmi masa keçirildi
Bu gün məktəbimizdə 27 fevral-3 mart 2023-cü il İdman həftəsi çərçivəsində
İdmançıların yarışa hazırlığının psixoloji yanaşması mövzusunda dəyirmi masa
keçirildi. Dəyirmi masanı giriş sözü ilə direktor əvəzi Bəsti Ağayeva açaraq mövzu ilə
bağlı məlumat verdi. İdmanın insan həyatında əhəmiyyətindn bəhs edən Bəsti
Ağayeva bildirdi ki, idman insanın şəxsiyyət kimi formalaşmasında mühüm rol
oynayır. İdman insanı həm fiziki, həm də mənəvi cəhətdən gücləndirir. Sonra
məktəbin psixoloqu Arzu Məmmədova idmançıların yarışa hazırlığının psixoloji
yanaşması mövzusunda məruzə ilə çıxış edərək ətraflı məlumat verdi. İdmanın insan
həyatındakı rolundan bəhs edən psixoloq bildirdi ki, idman və psixologiya vəhdət
təşkil edir.Mübarizədə bədən bir alət, onu yönəldən və idarə edən isə ağıl və ruhdur.
İdman — gənc nəslin gündən-günə artan potensialını qurub-yaratmağa yönəldə bilən
güclü bir mexanizmdir. Yarış idmançının xüsusi psixoloji gərginlik şəraitində
hazırlığını özündə əks etdirən bir güzgüdür. Təşkilatçı müavin Rəvanə Məmmədova
da mövzunun aktuallığından bəhs edərək şagirdlərə tövsiyələrini verdi. Məktəbin
psixoloqu Günel Mahmudzadə idmanın insan psixologiyasına müsbət təsirindən
danışdı. Şagirdlərin mövzu ilə bağlı sualları cavablandırıldı, fikir mübadiləsi aparıldı.
Dəyirmi masa şagirdlərin maraqlı fikirləri ilə yekunlaşdı.
