21 Fevral Beynəlxalq Ana Dili Günüdür.
Bu gün həm özəl,həm də gözəl bir gündür.
Ana dili bizim üçün müqəddəs dildir, ömrümüzü
mənalandıran, xəyallarımızı qanadlandıran,
dostumuza məhəbbətlə, düşmənimizə nifrətlə
səslənən bir dildir.
Ana dili bizim varlığımız, vüqarımız, fəxr
dünyamızdır.
Dilin gözəlliyi həm də onu işlədənlərdən,
onların nitq bacarığından asılıdır. Biz
çalışmalıyıq ki, dilimizin saflığını və gözəlliyini
qoruyaq. Dilimizi inkişaf etdirib yaşatmaq
özümüzü yaşatmaqdır, tariximizi yaşatmaqdır.
Ana dili bizim həyatımız, inamımız və
qeyrətimizdir, dünənimizdən sabahımıza salınan
mənəvi körpüdür.
Bizim müqəddəs borcumuz onu qorumaq və
inkişaf etdirməkdir.
Doğma dilim, sən ki varsan dünyada!
«Mən də varam!» söyləməyə haqlıyam.
Anam! Ana dilim! Ana Vətənim!
Mən bütün qəlbimlə sizə bağlıyam!
