Şagirdlərimiz Tamilla Qasanovanın "Gözəlliyin bir anı" sərgisində iştirak etdi
Dekabrın 20-də məktəbimizin şagirdləri Tamilla Qasanovanın "Gözəlliyin bir anı" fərdi sərgisində iştirak etdi. Müasir incəsənəti rəsm əsərlərində əks etdirən bu rəssamın sərgisi şagirdlər tərəfindən çox yaxşı qarşılandı. Burada sakit, əlvan elementlər və rəng harmoniyası bir-birini tamamlayırdı. Əsərlər müxtəlif janrlarda : peyzaj, portretlər, milli natürmortlar və ifadəli abstraksiyalarda təqdim olundu. Şagirdlərin rəssamla görüşü onlarda bu sənətə marağı daha da artırdı. Tamilla Qasanova rəssamlıqla məşğul olan bu şagirdlərə sənətə aid öz tövsiyələrini söyləyərək, müasir incəsənətdə tolerantlığa, fikir müxtəlifliyinə səbrlə yanaşmağı məsləhət verdi. İncəsənət hər zaman müxtəlif insanlar və müxtəlif fikirlər deməkdir. Məktəbimizin kollektivi adından rəssama yaradıcılıq işlərində uğurlar və yeni-yeni sərgilər arzusu ilə!
