“Qiraət istirahətdir” mövzusunda mühazirə keçirildi
Bu gün məktəbimizdə Azərbaycan Respublikası Prezidenti yanında Bilik Fondunun iştirakı ilə “Qiraət istirahətdir” mövzusunda maraqlı bir mühazirə keçirildi. Mühazirəni Bilik Fondunun monitorinq şöbəsinin müdiri baş məsləhətçisi Ceyhun Musaoğlu və aparıcı məsləhətçi Almaz Axundova aparırdı. Tədbirdə məktəbimizin 8-9-10-cu sinif şagirdləri iştirak edirdi. Almaz Axundova məşhur tarixçi və siyasi analitik, politoloq, hüquqşünas Oleq Yureviç Kuznetsov və onun müəllifi olduğu “XX əsrdə transmilli erməni terrorizmi.Tarixi-kriminoloji tədqiqat ” əsəri haqqında şagirdlərə məlumat verdi. Ceyhun Musaoğlu mütaliənin insan həyatındakı rolundan, gənclərin bir şəxsiyyət kimi formalaşmasında , onların dünyagörüşünün genişlənməsində və nitqinin zənginlşməsində mütaliənin müstəsna əhəmiyyətindən söz açdı.Şagirdlər mühazirəçilərə maraqlı suallar ünvanladılar və öz suallarına dolğun cavablar aldılar. Sonda Oleq Yureviç Kuznetsovun “XX əsrdə transmilli erməni terrorizmi.Tarixi-kriminoloji tədqiqat ” əsəri məktəbə hədiyyə olundu.
