"RoboGames 2022: Smart City" müsabiqəsində qalib olduq
"RoboGames 2022: Smart City" – 10-16 yaşarası məktəblilər üçün nəzərdə tutulan, Azərbaycan Respulikası Elm və Təhsil Nazirliyi, ADA universitetinin dəstəyi, "Mars Academy"in təşkilatçılığı ilə keçirilən və şagirdlərin STEAM (elm, texnologiya, mühəndislik, incəsənət və riyaziyyat) sahəsində bacarıqlarını təkmilləşdirmələri məqsədilə təşkil edilən yerli layihə əsaslı robot texnologiyaları müsabiqəsi keçirildi. Dövlət və özəl tədris müəssisələri daxil olmaqla 41 məktəbin iştirakı ilə keçirilən bu müsabiqədə məktəbimizin "VİCTORS" komandası da var idi. Onlar heyvanların həyat şəraitinin yaxçılaşdırılması və sağlam qidalanması üçün hazırladıqları robot ilə yarışmaya qatıldılar. Şagirdlərimizin hazırladıqları robot xüsusi proqramla hərəkət edir, canlı ona yaxınlaşan zaman mühərrik aktivləşərək yemi xüsusi qaba tökür. Bu da heyvanların qidasının təmiz və keyfiyyətli olması üçün zəmin yaradır. Komandamızın hazırladığı robot müsabiqənin dörd nominasiyası üzrə qalib olaraq çempion adına layiq görüldü. Bütün kollektiv adından onları təbrik edir, növbəti illərdə uğurlarının davamını arzulayırıq.
