“Şuşa inciləri” adlı məktəblərarası breyn-rinq
Cənab Prezident İlham Əliyevin 25 fevral 2022-ci il tarixli sərəncamına əsasən, cari il “Şuşa ili” elan olunmuşdur.
16 dekabr 2022-ci il tarixində XXI Əsr Beynəlxalq Təhsil və İnnovasiya Mərkəzində şuşalı şair və yazıçıların həyat və yaradıcılığı, həmçinin şagirdləri Şuşa ədəbi mühiti haqqında araşdırmalar aparmağa cəlb etmək, onlarda ədəbiyyatımıza, mütaliəyə maraq və sevgi yaratmaq məqsədilə “Şuşa inciləri” adlı məktəblərarası breyn-rinq təşkil olunmuşdur.
Breyn-rinqdə məktəbimizin “Müşfiqlər” komandası ilə yanaşı, XXI Əsr Beynəlxalq Təhsil və İnnovasiya Mərkəzi “Şuşa XXI Əsrdə”, Yasamal rayonu 132-134 nömrəli Təhsil kompleksinin “Dəmir yumruq”, Bakı Avropa liseyinin “Zəfər yolu”, İdrak Liseyinin “İdrak”, Tofiq İsmayılov adına 6 saylı məktəbin “5+1”, Landau məktəbinin “Arazbarı” komandalarının şagirdləri yarışdılar. Ənənəvi breyn-rinqlərdən biri olan “Şuşa inciləri”ndə iştirak edən şagirdlərimiz müxtəlif hədiyyələrlə mükafatlandırıldılar.
Gənc nəslin dərin vətən sevgisi ilə, vətənpərvərlik ruhunda inkişafı bizi hər zaman qürurlandırır!
