Zorakılıq hallarına qarşı profilaktik və maarifləndirici tədbir keçirildi
06.12.2022-ci il tarixdə məktəbimizdə zorakılıq hallarına qarşı profilaktik və
maarifləndirici məzmunlu dəyirmi masa keçirildi. Dəyirmi masada pedaqoji heyətin
üzvləri, valideynlər, yeddinci sinif şagirdləri iştirak edirdilər. Məktəbin psixoloqu
Arzu Məmmədova dəyirmi masa iştirakçılarına ümumtəhsil məktəblərində zorakılığın
növləri və formaları haqqında ətraflı məlumat verdi. Bullinq hallarından bəhs edərək
bildirdi ki, bu qəsdən törədilən mənfi xarakterli fiziki və ya psixoloji təsir etməkdir.
Məktəblərdə baş verən bullinq hallarından bəhs edən A.E.Məmmədova onların
fəsadları və insan psixologiyasına vurduğu zərbələrdən danışdı. Bu cür halların
yolverilməz olduğunu və bu sahədə kollektiv işin vacibliyini ön plana çəkdi. Direktor
müavini Rəvanə Məmmədova, UBTR Gülnar Kərimova, sinif rəhbəri Mehparə
Babayeva, ingilis dili müəllimi Günel Əliyeva, valideyn Nənəş Abdullayeva da
zorakılıq hallarının, ayrıseçkiliyin yolverilməz olduğunu bildirdilər və müvafiq
mövzularda tədbirlərin əhəmiyyətindən bəhs etdilər. Dəyirmi masa şagirdlərin
müzakirələrə qoşulması və sualların cavablandırılması ilə başa çatdı.
