SONSUZ SEVGİ ZİYARƏTİ
Bu gün məktəbimizin müəllim və şagird kollektivi xalqımızın ümummilli lideri, müasir müstəqil Azərbaycan dövlətinin memarı və qurucusu Heydər Əliyevin abidəsini ziyarət edərək, önünə əklil və gül dəstələri düzdülər. Milyonlarla insanın ümid çırağına çevrilərək qəlblərdə əbədi yurd salan dahi lider hələ sağlığında canlı əfsanəyə çevrilərək, ürəklərdə özünə əbədi abidə ucaltmışdır. Onun parlaq ideyaları gələcəyə gedən yollarımızı hələ uzun illər işıqlandıracaq. Bütün mənalı ömrünü xalqa həsr edən bu nurlu şəxsiyyətə bəslənilən sevgi sonsuzdur. Azərbaycan xalqı və böyüməkdə olan nəsil dahi rəhbərinin tarixi xidmətlərini heç vaxt unutmayacaq!
