Dünya çempionu ilə görüş
Dekabrın 7-də məktəbimizin yeddinci sinif şagirdi, Juboksinq üzrə dünya çempionu Haqverdiyev Əlifağa ilə görüş keçirildi. Görüşdə Kinboksinq federasiyasının nümayəndəsi, Əlifağanın məşqçisi, anası, sinif rəhbəri və məktəbimizin müəllim və şagirdləri iştirak edirdi. Əvvəlcə məktəbin direktoru Rəna Süleymanova hamını bu böyük qələbə münasibətilə ürəkdən təbrik etdi. Sonra Əlifağanın anası Xoşbəxt xanım və sinif rəhbəri Səkinə xanım çixiş etdi. Onların hər ikisi gənc çempionun nə qədər təvazökar, məsuliyyətli olduğunu və onunla qürur duyduqlarını bildirdilər. Daha sonra Əlifağanın məşqçisi Muxtar müəllim söz aldı. O, Əlifağanın cəmi 9ay bundan əvvəl Juboksinqlə məşğul olmağa başladığını və belə bir qısa müddət ərzində neçə-neşə qələbə əldə etdiyini bildirdi.Sonda dünya çempionu ilə xatirə şəkli çəkdirildi.
