Qalib şagirdlərimiz təltif olundular
Bu gün Yasamal rayon Gənclər və İdman Nazirliyinin təşkilatçılığı ilə Yasamal rayon orta ümumtəhsil məktəbləri arasında oktyabr ayı boyunca keçirilmiş rəsm, inşa, şeir müsabiqələrində qalib olmuş, yer tutmuş şagirdlərin mükafatlandırılması baş tutdu. Tədbirdə iştirak edən məktəblər sırasında 18 nömrəli tam orta məktəb də var idi. Məktəbimizi müsabiqələrdə layiqincə təmsil edən şagirdlərimiz bir sıra yerlərə layiq görüldülər. Belə ki, 18 Oktyabr Müstəqilliyin Bərpası gününə həsr olunmuş "Müstəqilliyimizin şanlı zəfəri" mövzusunda keçirilmiş rəsm müsabiqəsi üzrə 9b sinif şagirdi Məmmədov Rəsul I yerin, eyni mövzuda keçirilmiş inşa yazı müsabiqəsində 7a sinif şagirdi Dadaşova Sevinc II yerin, "Şuşa ili"nə həsr olunmuş inşa yazı müsabiqəsində 11b sinif şagirdi Məmmədova Nəzrin II yerin, M. P. Vaqif poeziyasına həsr olunmuş şeir müsabiqəsində 7a sinif şagirdi Cəfərli Əli və 11a sinif şagirdi Abdullayeva Aydan III yerin qalibi oldular. "Nə?, Harada? Nə zaman?" intellektual oyunu üzrə keçirilən yarışda isə məktəbimizin komandası III yerə layiq görüldü. Qaliblərimizi təbrik edir, uğurlarının davamını diləyirik.
