İbtidai siniflərimizdə "Zəfər günü" qeyd edildi
Bu gün məktəbimizin ibtidai siniflərində keçirilən tədbirlərdə ilk öncə canlarını ölkəmizin ərazi bütövlüyü və suverenliyi uğrunda qurban vermiş şəhidlərimizin müqəddəs ruhları bir dəqiqəlik sükutla yad edildi. Daha sonra müəllimlər tərəfindən Azərbaycan tarixinə qızıl hərflərlə yazılmış "Zəfər Günü" barədə şagirdlərə ətraflı məlumat verildi, Vətən Müharibəsində qabaqcıl hərbi texnika və texnologiyalardan məharətlə istifadə edən Azərbaycan Ordusunun dünya hərb tarixində yeni səhifə yazması barədə söhbət açıldı. Möhtəşəm qalibiyyətin əldə edilməsində müasir hərbi biliklərə və döyüş bacarıqlarına sahib, Azərbaycanın qəhrəman əsgər və zabitlərinin mühüm pay sahibi olduğu diqqətə çatdırıldı.
