Tarixi dəyişən 44 gün
Bu gün məktəbimizdə Zəfər günü ilə əlaqədar "Tarixi dəyişən 44 gün" adlı tədbir keçirildi. İlk öncə azadlığımızı yenidən bizlərə qazandıran, Vətən torpağının bütövlüyünü təmin edən, bayrağımızın alına öz qanları ilə daha da rəng qatan şəhidlərimizin əziz və müqəddəs xatirəsi bir dəqiqəlik sükutla yad edildi. Tədbirə qonaq qismində dəvət olunan şəhid ailələri övladlarının keçdikləri döyüş yolundan, uşaqlıq, məktəb, gənclik xatirələrindən söhbət açdılar. Yuxarı sinif şagirdlərinin hazırladıqları ədəbi kompazisiyalar qonaqlar və tədbir iştirakçıları tərəfindən qürurla izlənildi.
