"Zəfərimin rəngləri" adlı rəsm sərgisi keçirildi
8 Noyabr tariximizin ən şanlı günlərindən biridir. Bu, təqvimdə sadəcə qırmızı rənglə fərqləndirilib bayram günü kimi qeyd edilən bir gün deyil, bu, qeyrətimizin, hünərimizin, azadlığımızın, istiqlaliyyətimizin, mənliyimizin, özümüzə qayıdışımızın günüdür. Bu günü qoruyub gələcək nəsillərə ərmağan etmək bir vətəndaş kimi hər kəsin ən ali vəzifəsi və Vətən qarşısındakı borcudur. Biz də öz növbəmizdə şagirdlərimizə mütəmadi olaraq Zəfər gününün önəmindən söhbətlər açır, dəyirmi masalar, rəsm sərgiləri təşkil edirik. Bu qəbildən olan sərgilərdən biri də noyabr ayı boyunca məktəbimizin dəhlizlərini bəzəyən, hər baxanda bizə o anları bir daha qürurla xatırladan "Zəfərimin rəngləri" adlı rəsm sərgisidir. Şagirdlərin böyük həvəslə, sevinclə ag vərəqlərə, kətan lövhələrə köçürdükləri Vətən sevgisi maraq və fəxrlə izlənilir.
