"5 yaşlılarımız" məktəbəhazırlıq qruplarına start verildi
Bu gün bütün respublika məktəblərində olduğu kimi məktəbimizdə də təhsilə atılan ilk addım kimi mühüm xarakter daşıyan 5 yaşlıların məktəbəqədər hazırlıq qruplarına start verildi. Həftədə 4 gün fəaliyyət göstərən məktəbəhazırlıq qruplarının əsas məqsədi 5 yaşlı uşaqların məktəb təliminə hazırlığı ilə əlaqədar psixoloji dayanıqlığını artırmaq, əhatə olunduqları aləmə və təhsil mühitinə uyğunlaşdırmaq, onların ünsiyyət və birgə fəaliyyət bacarıqlarına yiyələnməsini təmin etməkdən ibarətdir. Məktəbəhazırlıq qruplarında “Ətraf aləmlə tanışlıq”, “Savad təliminə hazırlıq və nitq inkişafı”, “Bədii təfəkkürün inkişafı”, “Məntiqi və riyazi təfəkkürün inkişafı”, “Təsviri fəaliyyət”, “Musiqi” və “Fiziki mədəniyyət” dərs məşğələləri tədris edilir və eyni zamanda 5 yaşlılar dövlət vəsaiti hesabına müvafiq metodiki vəsaitlərlə təmin edilir.
