Hec vaxt unutmayacağıq
Bu gün məktəbimizdə 27 Sentyabr Anım Günü qeyd edildi. Belə ki, bu gün Azərbaycanın tarixində, qəhrəmanlıq salnaməsində yeni bir səhifə açmışdır. Bu səhifə Azərbaycan əsgərinin şücaəti, zəfər yürüşü idi. Ordumuzun Vətən uğrunda savaşı ilə tarixlərə həkk olunan bu gün bütün respubika ərazisində bir dəqiqəlik sükutla qeyd edildi.
Bu gün məktəbimizin radio qovşağından çıxışlar edilərək şəhidlərimizin əziz xatirəsi yad edildi. Çıxışlarda Ermənistanın növbəti hərbi təxribatı, bütün cəbhə boyu ağır artilleriyadan istifadə etməklə hücuma keçməsi və birbaşa mülki əhalini hədəfə alması barədə məlumatlar verildi. Ordumuzun ölüm-dirim savaşında böyük qələbəsindən qürurla söhbət açıldı.
Sonra məktəbimizin hərbi rəhbəri Telman Məmmədov çıxış edərək düşmən üzərində qazandığımız hərbi uğurlardan söhbət açdı. "Dəmir yumruq" əməliyyatının qələbə ilə nəticələnməsindən qürurla danışdı. Qələbəyə doğru inamla irəliləyən əsgərlərimizin, canını, qanını bu yolda fəda edən, şəhidlik zirvəsinə ucalan oğullarımızın döyüş yolu və göstərdikləri qəhrəmanlıqlarını fəxrlə dilə gətirdi.
Sonda şagirdlərimiz kompazisiya ilə çıxış etdilər.
