"Bilik günü" keçirildi
Bu gün "15 sentyabr Bilik günü" bütün məktəblərdə olduğu kimi bizim məktəbdə də qeyd olundu. Belə ki,ötən illərdən fərqli olaraq Azərbaycan-Ermənistan sərhəddində baş vermiş təxribatda verdiyimiz itkilərlə əlaqədar olaraq bu ilin ilk dərs günü təntənəli şəkildə keçirilmədi. Məktəbin həyətində keçirilən toplantıda ilk öncə Azərbaycan Respublikasının Dövlət Himni səsləndirildi, şəhidlərin əziz xatirəsi bir dəqiqəlik sükutla anıldı. Sonra məktəbin direktoru R. Süleymanova şagirdləri ilk dərs günü münasibətilə təbrik edərək uğurlar arzuladı. Toplantıda iştirak edən BŞTİ əməkdaşı Lalə Qarayeva da öz ürək sözlərini şagirdlərə çatdırdı.
Qeyd edək ki, 2022-2023-cü tədris ilinin ilk dərsi "Qarabağ Azərbaycandır!" mövzusuna həsr olundu.
