"Günəşə açılan diyar" adlı tədbir keçirildi
Bu gün məktəbimizdə Müstəqillik Günü ilə əlaqədar silsilə tədbirlər keçirildi. Belə ki, ilk dərslər Müstəqillik gününə həsr olundu. Məktəbimizin ibtidai siniflərindən birində təşkil olunan bayram proqramı xüsusi marağa səbəb oldu. Şagirdlər Məhəmməd Əmin Rəsulzadənin “Bir kərə yüksələn bayraq bir daha enməz” şüarı altında tədbiri açıq elan etdilər. Həmçinin onlar müxtəlif kompozisiyalarla çıxış edərək tədbirə rəng qatdılar. Şagirdlər bu günün mahiyyətini, böyük tarixi hadisə kimi ölkəmizin həyatına daxil olmasını, Azərbaycan Xalq Cümhuriyyətinin fəaliyyət dövrünü qısaca da olsa öz çıxışlarında əks etdirdilər.
Sonda ikincilər bayrağımızın rəmzlərini özündə əks etdirən rəqs nömrəsi ilə çıxış edərək proqramı yekunlaşdırdılar.
