“Aləmə nur saçan bayrağım” mövzusunda dəyirmi masa keçirildi
08.11.2016-cı il tarixində məktəbimizdə “Dövlət Bayrağı” günü münasibətilə “Aləmə nur saçan bayrağım” mövzusunda dəyirmi masa keçirildi. Dəyirmi masada 4-cü sinif şagirdləri, müəllimlər və valideynlər iştirak edirdi. Şagirdlər üçrəngli Azərbaycan bayrağının keçdiyi tarixi yolu, bu bayrağın ucalığını, mənəvi mahiyyətini, onun boyalarındakı ideoloji mənanı geniş şəkildə açaraq maraqlı məlumatlar verdilər. Şagirdlər bayrağımızın bugünündən, nüfuzundan, dünyanın bir çox ölkələrində məğrurcasına dalğalanmasından söz açdılar, bu bayrağın qürur mənbəyimiz olduğunu xüsusi vurğuladılar. Dəyirmi masanın başlıca mahiyyəti böyüməkdə olan gənc nəslə milli bayraq məfkurəsini və sevgisini aşılamaq, müstəqillik və xoşbəxtlik rəmzi olan üçrəngli bayrağımıza sahib çıxmağı formalaşdırmaq idi.
