22 aprel Ümumdünya Yer Gününə həsr olunmuş ağacəkmə aksiyası
Bu gün məktəbimizin həyətyanı sahəsində Ekoklub üzvlərinin təqdimatında Yer gününə həsr olunmuş ağacəkmə aksiyası keçirildi. Aksiyada iştirak edən klub üzvləri və şagirdlərə yaşıllığın insan həyatı və ətraf aləm üçün əhəmiyyətindən bəhs edildi. Aksiya zamanı şam, sərv, küknar və müxtəlif gül kolları əkildi, abadlıq işləri aparılaraq ağacların dibi yumşaldıldı. Aksiyanın keçirilməsində məqsəd ağac əkməklə ekoloji tarazlığın bərpasına kömək etmək, atmosferi oksigenlə zənginləşdirmək, şagirdlərin diqqətini yaşıllıqların qorunmasına yönəltməkdir.
