Gələcəyimizi düşünək
Narkomaniya ilə mübarizədə sahəsində hər yerdə olduğu kimi mətəbimizdə də bir sıra tədbirlər keçirilir. Bu gün də məktəbimizdə ASAN xidmət və məktəbimizin birgə əməkdaşlığı ilə “Gələcəyimizi düşünək” mövzusunda Narkomaniya əleyhinə çağırış xarakterli tədbir keçirildi. Sosial çarxları ilə fenomenə çevrilən Nail Kəmərli də tədbirdə iştirak edirdi. Tədbirdə uzun illər narkotik vasitələrdən istifadə etməklə ondan asılı vəziyyətə düşmüş və bununla mübarizədə qalib gəlmiş insaların həyat tarixçəsindən söhbət açıldı. Çıxış edənlər narkomaniyaya qarşı mübarizəni gücləndirməklə gələcəyimizi və sağlamlığımızı qoruduğumuzu qeyd etdilər. Təbliğat xarakter daşıyan çıxışlar yeniyetmə və gənclərin bu sahədə daha da maarifləndirilməsinə və onlar arasında narkomaniyaya və onu yayan vərdişlərə qarşı müqavimətin artırılmasına yönəlmişdir. Cəmiyyətin məhvinə yönəlmiş bu ağır xəstəliyin fəsadları və reabilitasiya metodlarından söhbət açıldı. Cəmiyyətin bütün qüvvələrinin bu bəla ilə mübarizədə birləşməsi xüsusi vurğulandı. Tədbirin yekununda Nail Kərəmlinin youtube kanalında yer alan video çarxlar nümayiş etdirildi.
