Yaddaşımın yarası-Xocalı
Tariximizin ən dəhşətli səhifələrindən biri olan Xocalı faciəsinin otuzuncu ildönümü ilə əlaqədar olaraq məktəbimizdə müxtəlif silsilə tədbirlər keçirilir.Bu tədbirlərdən biri “ Yaddaşimin yarası –Xocalı” adlı kiçik tamaşa idi. Şagirdlər tərəfindən hazırlanmış tamaşada Xocalı faciəsi zamanı təcavüzkar ermənilərin uzun illərdən bəri Azərbaycana qarşı həyata keçirdikləri planlaşdırılmış etnik təmizləmə və vəhşilik öz əksini tapmışdır. Tamaşadakı hadisələr real həyatdan götürülərək səhnələşdirilmişdir.Təqdim olunan səhnəcikdə otuz ildən bəri yurd- yuvasına həsrət qalan Ana simvolu əks olunmuşdu. Otuz il bu qanlı cinayətin mənəvi ağrısını, ağlasığmaz dəhşətini qəlbində daşıyan Ana nəhayət müzəffər ordumuzun şanlı qələbəsindən sonra rahatlıq tapır və faciə zamanı həlak olanların qisasının alındığını vurğulayır, bütün Azərbaycana gözaydınlığlı verir. Tamaşa hamı tərəfindən çox böyük maraqla qarşılandı.Tədbirdə Yasamal rayon icra hakimiyyətinin əməkdaşları və qonaqlar da iştirak edirdi. Tədbirin yekununda məktəb direktoru Rəna Süleymanova iştirakçılara yaratdıqları bu təsirli və qürurverici obraza gorə təşəkkür etdi. Cıxış edən qonaqlar şagirdlərə bu tarxi faciəni hec zaman yaddaşlarindan silməməyi və gələcək nəsillərə ötürməyi tövsiyə etdilər.
