Mənəvi dəyərlər sərvətimizdir mövzusunda təlim keçirildi
Bu gün Yasamal rayonu Mikayıl Müşfiq adına 18 nömrəli tam orta məktəbin 4 b sinfində “Mənəvi dəyərlər sərvətimizdir" mövzusunda təlim keçirildi. Təlimdə məktəbin direktoru Rəna Süleymanova, direktor müavinləri Tahirə Məmmədbəyova, Rəvanə Məmmədova, Uşaq Birliyi rəhbəri Gülnar Kərimova, sinif müəllimi Dilarə Ağayeva, 53 nömrəli tam orta məktəbin psixoloqu Ləman Quliyeva iştirak edirdilər. Məktəbin psixoloqu Arzu Məmmədova mövzu ilə bağlı psixoloji aspektdə ətraflı məlumat verdi. Mənəvi dəyərlərin mahiyyəti izah olundu. Bildirildi ki, mənəvi dəyərlər bütün dünya xalqları tərəfindən qəbul olunur. Yüksək mənəvi keyfiyyətlərə malik olan insanlar hamı üçün örnəkdir. Təlimdə insana xas olan mənəvi keyfiyyətlər ayrı- ayrılıqda izah olunaraq, mənəvi keyfiyyətlərin təsnifatı verildi. Şagirdlər mövzuya münasibət bildirərək fikir mübadiləsində iştirak etdilər. “Yaxşılıq et izi qalsın!" adlı plakat şagirdlərin etdikləri "yaxşılıqlar"la zənginləşdi. Sonda şagirdlərə ev tapşırığı verildi və bildirildi ki, mövzu silsilə şəkildə davam etdiriləcək.
