Böyük ustad Aşıq Ələsgər yad edildi
Bu günlərdə – dekabr ayının 22-də xalqımızın böyük saz və söz ustadı Dədə Ələsgərin anadan olmasının 200 illik yubileyi münasibətilə M. Müşfiq adına tam orta məktəbdə tədbir keçirildi. Onuncu sinif şagirdlərinin iştirakı ilə hazırlanan tədbirdə məktəbin rəhbərləri, müəllim və şagird kollektivi iştirak etdilər. Tədbirin proqramı rəngarəngliyi ilə iştirakçıları razı saldı. Aşığın taleyi, həyatı barədə şagirdlərin topladıqları məlumatları tədbir iştirakçıları maraqla qarşıladılar. Şagirdlərin aşığın yaradıcılığından seçdikləri nümunələrin məharətlə səsləndirmələri tədbirə özgə bir rəng qatdı. Videogörüntülər aşığın təsvir etdiyi təbiət mənzərələri barədə dolğun təsəvvür yaramasına səbəb oldu. Ayrı-ayrı slaydlarda nümayiş etdirilən məlumat xarakterli görüntülər əlvanlığı ilə diqqəti cəlb etdi.
