Xarıbülbülün nağılı
Bu gün 3b sinif şagirdləri Zəfər gününə həsr olunmuş “Xaribülbülün nağılı”adlı ədəbi-bədii tədbir keçirdilər. Tədbir həmin sinifə adı verilən Vətən müharibəsi şəhidi Afər Orucovun əziz xatirəsinə ithaf olunmuşdur. Şagirdlər bir dəqiqəlik sükut ilə bütün Vətən müharibəsi şəhidlərini yad etdilər. Sonra onlar əsirlikdə olan xarıbülbülün illər sonra azadlığına qovuşmasını kompozisiyalarında əks etdirdilər. Əsgərlər 30 il əvvəl yurd-yuvasından didərgin salınan xarıbülbülü xilas edərək vətəninə geri qaytarır. Kompozisiyanın sonunda şagirdlər işğal altında olan torpaqların azad olunma tarixlərini xronoloji ardıcıllıqla, həmin əraziləri xəritə şəklində yığdılar. Üçüncülərin ifasında səslənən mahnılar və rəqslər tədbirə xüsusi rəng qatdı. Sonda məktəbin direktoru Zəfər günü münasibətilə şagirdləri və tədbirdə iştirak edən qonaqları təbrik etdi, onlara qalib ölkənin vətəndaşları olaraq bu qüruru daim yaşamağı, şanlı tariximizin bu səhifəsini gələcək nəsillərə fəxrlə ötürmələrini tövsiyə etdi.
