Ənənəvi tədrisə start verildi
Bu gün respublikanın bütün məktəblərində olduğu kimi bizim məktəbimizdə də V-XI siniflərdə ənənəvi tədrisə start verildi. Tədris ilinə ibtidai siniflərdə olduğu kimi Azərbaycan Respublikasının Dövlət Himni ilə başlanıldı. Açılışda məktəbin direktoru R. Süleymanova çıxış edərək şagirdləri əyani təhsilə start verilməsi münasibətilə təbrik etdi, 2021-2022-ci il tədris ilində təlim-tərbiyə prosesinin təşkili ilə bağlı bəzi məsələlərlə əlaqədar məlumatlar verdi, yeni dərs ilinin “Zəfər ili” olmasını vurğulayaraq tarixi qələbəmizdən söz açdı. Şagirdlər üçün kiçik musiqili proqram təşkil edilmişdi. Qeyd edək ki, şagirdlər məktəb daxilinə buraxılarkən bütün karantin qaydalarına əməl olundu. Şagirdlər zəfər mahnılarının sədaları altında sinif otaqlarına yola salındı.
