Şəhidlik zirvəsində ilk doğum günü
Bu gün məktəbimizin məzunu, Vətən Müharibəsi şəhidi Ələkbər Ələsgərovun doğum günüdür. Bu gün münasibəti ilə məktəbin bir qrup müəllim kollektivi şəhidin məzarını ziyarət edərək onun qəbri ustünə gül dəstələri qoydular. Qeyd edək ki, Ə. Ələsgərov Füzuli uğrunda gedən döyüşlərdə şəhidlik məqamına ucalmışdır. Mərasimdə Nəsimi rayonu İcra Hakimiyyətinin başçısı və bir sıra nümayəndələr iştirak edirdi. Biz də şəhidin valideynlərinə və yaxınlarına başsağlığı vererek, onun adını daim uca tutacağımıza, onun döyüş yolunu və şücaətini hər zaman şagirdlərimizə təlqin edəcəyimizə söz verdik.
Allah bütün şəhidlərimizə rəhmət eləsin!
