Nizami dünyası
Azərbaycan Respublikasinin Prezidenti cənab İlham Əliyevin sərəncamı ilə 2021-ci il respublikamızda “Nizami Gəncəvi ili” elan edildi. Nizami Gəncəvinin yubileyləri ölkəmizdə hər zaman təntənə ilə keçirilmişdir. Dahi Azərbaycan şairi və mütəfəkkiri Nizami Gəncəvinin 880 illik yubileyinin keçirilməsi barədə Bakı Şəhəri üzrə Təhsil İdarəsinin Tədbirlər Planına əsasən, məktəbimizin 9a sinfində nümunəvi dərs keçirildi. Dərs şagirdlərin ifasında Nizami Kontatasının səslənməsi ilə başladı. Sonra şagirdlər N. Gəncəvinin həyat və yaradıcılığından məlumat verərək, onun “Sirlər xəzinəsi” poemasından parçalar söylədilər. Sinif müəllimi A. Mustafayeva şagirdlərə nəhəng sənətkarın xalqımızın mənəviyyatının ayrılmaz hissəsinə çevrilmiş, parlaq irsi əsrlərdən bəri Şərqin misilsiz mədəni sərvətlər xəzinəsində özünəməxsus layiqli yerini qoruyub saxlamış, bəşəriyyətin bədii fikir salnaməsində yeni səhifə açmış nadir şəxsiyyətlərdən olmağından bəhs etdi.
