1 iyun Uşaqların Beynəlxalq Müdafiəsi Günü
Bu gün məktəbimizin müxtəlif siniflərində 1 İyun – Uşaqların Beynəlxalq Müdafiəsi Günü ilə bağlı “Dünyamıza siz də qoşulun!” adlı tədbir keçirildi. 1ç və 1ə siniflərində keçirilən tədbirlərdə sinif müəllimləri şagirdləri təbrik etdi və bu günün mahiyyətindən, tədbirin onlar üçün əhəmiyyətindən bəhs etdilər, uşaqlara dövlət tərəfindən hər zaman göstərilən diqqət və qayğıdan danışdılar. Ölkə prezidenti İlham Əliyevin, o cümlədən, birinci vitse-prezident Mehriban Əliyevanın uşaq hüquqlarının qorunmasına hər zaman dəstək verməsindən qürurla danışdılar. Tədbirdə uşaqlar müxtəlif mövzular ətrafında: “Sağlam həyat tərzi”, “Uşaqlar üçün bərabər imkanlar”, “Asudə vaxtın təşkili”, “Uşaqların internet təhlükəsizliyi” və onları düşündürən digər məsələlərdən də söhbət açdılar.
Sonda onlar şeirlərlə çıxış etdilər və hazırladıqları şarları səmaya uçurdular.
