Məktəbəqədər qruplarda Respublika Günü qeyd edildi
28 May Respublika Gününə həsr olunmuş silsilə tədbirlərimiz davam etməkdədir. Belə ki, bu gün məktəbimizin məktəbəqədər hazırlıq qruplarında da 28 May Respublika Günü qeyd olundu.
Tədbirdə sinif müəllimi A. Axundova balacalara Azərbaycan Xalq Cümhuriyyətinin yaranmasından, müstəqilliyin bərpası və qorunub saxlanılması istiqamətində, azadlıq mücadiləsi yolunda aparılan mübarizədə baş vermiş hadisələrdən danışdı. Müstəqilliyimizin yenidən bərpa edilməsindən sonra ümummilli lider Heydər Əliyevin böyük çətinliklərə baxmayaraq onun qorunması istiqamətində apardığı müdrik siyasətindən və prezident İlham Əliyevin dövlətimizin möhkəmləndirilməsi və inkişafı, xalqımızın rifahı naminə apardığı əhəmiyyətli işlərdən danışdı.
Tədbirdə şagirdlər müxtəlif şeirlərlə çıxış etdilər və hər kəsi Respublika Günü münasibətilə təbrik etdilər.
