Birincilərin təqdimatında "Yurdumun bayramı"
Bu gün məktəbimizdə 1d sinif şagirdlərinin təqdimatında “Yurdumun bayramı” adlı açıq dərs keçirildi. Tədbiri giriş sözü ilə açan birincilər qonaqları salamlayıb onları baharın gəlişi, təbiətin oyanışı və qədim bayramımız olan Novruz münasibətilə təbrik etdilər.
Şagirdlərin Novruz bayramı haqda, onun çərşənbələri və adətləri barədə söylədikləri şeirlər tədbir iştirakçıları tərəfindən xoş qarşılandı. Bahar qızın rəqslə hər kəsi təbriki tədbiri daha da maraqlı etdi.
29 il vətən həsrəti çəkən, Qarabağın azad olunduğu günü səbirsizliklə gözləyən xalqımızın builki Novruz bayramını Şuşada qalanan tonqalların verdiyi fəxr hissi ilə qeyd etdiklərini söyləyən birincilər hazırladıqları video-slaydı təqdim etdilər.
Sonda məktəbimizin direktoru tədbirin ərsəyə gəlməsində əməyi keçən müəllim və şagirdlərə öz təşəkkürünü bildirərək onları Novruz bayrami münasibətilə təbrik etdi.
