Şəhid Şamil Bababəyin xatirəsi yad edildi
Məktəbimizdə “Vətəni bütöv edənlər” silsiləsindən olan tədbirlər davam etməkdədir. Belə ki, bu gün məktəbimizdə 1ç sinif şagirdləri vətənin bütövlüyü uğrunda canından keçən şəhid Şamil Bababəyin həyat və döyüş yoluna nəzər saldılar. Birincilər öz siniflərinin də şəhidin adını daşıdığını vurğuladılar. Onlar Şamilin keçdiyi hərb yolundan və Qarabağ müharibəsində göstərdiyi qəhrəmanlıqdan fəxrlə danışdılar. Quru Qoşunlarının Baş Leytenantı olan Şamil Bababəyin Ağdərə döyüşləri zamanı şəhidlik zirvəsinə ucaldığını qeyd etdilər. O, ərazi bütövlüyümüzün bərpa edilməsində xüsusi xidmətlərinə və işğal olunmuş torpaqlarımızın azad edilməsi zamanı düşmənin məhv edilməsi üzrə qarşıya qoyulmuş döyüş tapşırığını yerinə yetirdiyinə və göstərdiyi qəhrəmanlıq nümunəsinə görə Azərbaycan Respublikası Prezidenti İlham Əliyev tərəfindən “Vətən uğrunda” və “III dərəcə”ordeni ilə təltif edilmişdi.Tədbirdə şəhidin qardaşı və atası da iştirak edirdi. Atası Nazim Bababəy oğlunun həm də aprel döyüşlərində iştirak etdiyini də dedi. Oğlunun bu qəhrəmanlığından qürurla danışan ata birincilərə onun kimi vətənpərvər olmağı tövsiyə etdi. Tədbir videoçarx və xüsusi hazırlanmış kompozisiya ilə yekunlaşdı.
