“Ordu quruculuğu və ölkəmizin müdafiə qüdrətinin gücləndirilməsində Prezident İlham Əliyevin xidmətləri” mövzusunda açıq dərs
“Azərbaycan xalqının tarixi qələbəsinin tədrisdə əks etdirilməsi haqqında” Fəaliyyət Planının 1.1.4 bəndinə əsasən, 4ç sinfində ölkə başçımızın “Ordu quruculuğu və ölkəmizin müdafiə qüdrətinin gücləndirilməsində Prezident İlham Əliyevin xidmətləri” mövzusunda açıq dərs keçirildi. Açıq dərsdə Ali Baş Komandanımız İlham Əliyevin müharibə zamanı mükəmməl diplomatik gedişlərindən, onun rəhbərliyi ilə həm informasiya, həm də döyüş meydanında qətiyyətlə qələbə çalmağından söhbət açıldı.
Şagirdlər dövlət başçımızın müharibə zamanı etdiyi çıxışlarından, mətbuata verdiyi müsahibələrindən sevə-sevə danışdılar. Onun fəaliyyətini qürurla dilə gətirən 4-cülər cənab İlham Əliyevin həm də hər bir azərbaycanlının inam və ümid yerinə çevrildiyini də vurğuladılar. Onun xalqa müraciətlərindən sitatlar gətirən şagirdlər ölkə başçımıza olan sevgi və ehtiramlarını hazırladıqları kompozisiyalarında da ifadə etdilər. Ordu quruculuğunun onun fəaliyyətində birinci yerdə olmasını qeyd edən 4-cülər dünya liderləri arasında prezidentimizin bilik, bacarıq və səriştəliliyi ilə seçildiyini də qeyd etdilər.
Sonda şagirdlər xüsusi hazırlanmış video-çarxla dərsi yekunlaşdırdılar.
