“Yollar bizi Xocalıya aparır” adlı tədbir keçirildi
Bu gün 3b sinfində “Yollar bizi Xocalıya aparır” adlı tədbir keçirildi. Tədbir Xocalı soyqırımı qurbanlarının xatirəsinin yad edilməsi ilə başlandı. Tədbirdə faciənin yalnız Azərbaycan xalqına qarşı deyil, bütün bəşəriyyətə qarşı yönəldilmiş soyqırım olması vurğulandı. Şagirdlər xüsusi hazırlanmış kompozisiya ilə çıxış edərək Xocalı faciəsinin acısını tədbir iştirakçılarına çatdıra bildilər. Daha sonra tədbirdə soyqırıma həsr olunmuş videoçarx nümayiş etdirildi. Kompozisiyanın sonunda şagirdlər 44 günlük müharibədən sonra işğaldan azad olunmuş torpaqlarımızın adı əks olunan xüsusi lövhələrlə səhnəyə çıxdılar. Bu hamının marağına səbəb oldu. Sonda şagirdlər “Zəfər marşı” ilə tədbiri yekunlaşdırdılar.
