“Xocalı, qanın yerdə qalmadı!” adlı sərgi təşkil edildi
18-26.02.2021-ci il tarixində məktəbin foyesində Xocalı faciəsinin iyirmi doqquzuncu ildönümünə həsr olunmuş “Xocalı, qanın yerdə qalmadı!” adlı sərgi təşkil edildi. Azərbaycan tarixinə dəhşətli və faciəvi səhifələrdən biri kimi daxil olan bu gün şagirdlərimiz tərəfindən böyük ustalıqla kağızlara köçürülmüşdü. Sərgiyə təqdim olunan bu tablolarda günahsız dinc əhalinin o cümlədən qocaların, uşaqların öldürülməsi yer almış, düşmənin əsl mənfur siması ortaya çıxarılmışdı. Sərginin təşkilində məqsəd faciənin mahiyyətini böyüməkdə olan nəslə dönə-dönə təbliğ etməkdir. Bu il sərgiyə təqdim olunan kompozisiyalar digər illərdən mövzu baxımından fərqlənirdi. Belə ki şagirdlər bu rəsmlərdə həm də qisasın yerdə qalmadığını və zəfər sevincini əks etdirə bilmişdilər. Əl işləri xüsusi boyalar, sadə qələmlər və s. üsullarla işlənib təqdim olunmuşdu.
