"Unudulmayan dərs" mövzusunda açıq dərs
Yanvarın 19-da 8ç sinfində 20 Yanvar faciəsinə həsr olunmuş açıq dərs keçirildi.”Unudulmayan dərs” adlı açıq dərsdə şagirdlər ilk növbədə şəhidlərin xatirəsini bir dəqiqəlik sükutla andılar. Sonra tarix müəllimi Şəlalə Mirzalıyeva bu tarixi gün haqqında maraqlı məlumatlar verdi. O, bildirdi kı, tarixə qanla yazılan bu günü 31 ildən sonra fəxr və qürurla qeyd edirik və bütun şəhidlərin qarşısında baş əyirik. Çünki müzəffər ordumuz onların bir vaxtlar başladığı azadlıq mubarizəsınə torpaqlarımızı bütövləşdirməklə cavab verdilər. Bu gün Şəhidlər Xiyabanında uyuyan hər bir şəhidin qisası alındığı üçün ruhları azaddır. Sonra şagirdlər baş verən faciənin mahiyyətindən, istiqlal mübarizəsindən, Azərbaycan xalqının sarsılmaz iradəsindən söhbət açdilar. Onlar 20 Yanvar faciəsinin hüzn günü ilə olmaqla yanaşı, həm də bugünkü qələbəmizin başlanğıcı olduğunu da qeyd etdilər. Açıq dərsdə şagirdlər dünya ictimaiyyətinin diqqətini Qanlı Yanvar faciəsinə yönəltmək üçün dövlətimiz tərəfındən görülən tədbirlərdən danışdılar. Xarici ölkələrdəki səfirliklərimizin, Azərbaycan icmalarının bu istiqamətdə həyata keçirdiyi müvafiq tədbirlərdən söz açdılar. Açıq dərs şagirdlərin onlayn şəkildə təqdim etdikləri xüsusi videoçarxla yekunlaşdı.
