Qış onlayn - kvestində uğurumuz
2020-ci il Azərbaycan xalqı üçün tarixi Zəfər ili oldu. Müzəffər ordumuz Ali Baş Komandanımızın rəhbərliyi ilə işğal altında olan torpaqlarımızı 44 gün ərzində azad edərək, tarixi zəfərimizə imza atdı! İlin sonu məktəbimiz üçün də uğurlu oldu. Məktəbimizin 6-cı və 8-ci sinif şagirdləri “Rəqəmsal bacarıqlar” layihəsi üzrə beynəlxalq riyaziyyat və proqramlaşdırma məktəbinin keçirdiyi “Qış kvesti” adlı onlayn müsabiqədə iştirak edərək, yüksək nəticələr əldə etdilər. Şagirdlər riyaziyyat və proqramlaşdırmaya aid tapşırıqları yerinə yetirərək, Şaxta Babanın komandasına kömək etməli idilər. Az vaxt ərzində daha çox tapşırıq yerinə yetirən komanda qalib hesab edilirdi. 8-ci sinif şagirdlərindən ibarət “Polad” komandası Azərbaycan və dünya üzrə III yerə, 6-cı sinif şagirdlərindən ibarət “ 6r ” komandası I yerə layiq görüldü! Şagirdlərimizi təbrik edirik!
