“Yaşıl dağ” sosial aksiyası keçirildi
Məktəbimiz IDEA İctimai Birliyinin təşəbbüsü, ASAN Könüllüləri Təşkilatının dəstəyi ilə kağız tullantıların toplanmağına həsr olunmuş “Hər kağızı bir yarpağa dəyişək” layihəsi çərçivəsində keçirilən “Yaşıl dağ” sosial aksiyasına qoşuldu. Aksiyanın keçirilməsində məqsəd ekoloji maarifləndirməyə diqqət çəkmək, kağız israfını azaltmaq və təkrar emalı təşviq etmək yolu ilə ağacların qorunmasına, təbiətin mühafizəsinə və ekoloji balansın saxlanılmasına nail olmaqdır. Məktəbimizin şagirdləri, müəllimləri və bütün işçi heyəti istifadə edilməyən kağız tullantılarını məktəbə təhvil verdilər. Məktəb tərəfindən yaradılmış işçi qrup kağız tullantılarını üzərində məktəbin nömrəsi göstərilmiş kisələrə yığaraq, kurator məktəbə təhvil verdi. Gələcəkdə də şagirdlərimiz belə ekoloji çağırışlara böyük həvəslə qoşulacaqlar.
