"Vətəni bütöv edənlər" adlı videoçarx
Bu gün məktəbimizin 9-cu sinif şagirdləri Faiq Hacızadə və Müjgan Əhmədova Vətən Müharibəsində şəhidlik zirvəsinə ucalan şəhidlərimiz haqqında "Vətəni bütöv edənlər"adlı videoçarx hazırladılar. Şagirdlərimiz rəşadətli ordumuzun ən çətin relyefə malik strateji yüksəklikləri böyük məharətlə əldə etdiklərini və tarixi qələbə qazandıqlarını qeyd etdilər, 44 günlük Vətən Müharibəsində zirvəyə ucalan şəhidlərimiz haqqında söhbət açdılar,onları qürurla yad etdilər. Daha sonra Müjgan Əhmədova söylədi: "Gəlin şəhidlərimizin ruhunu bir dəqiqəlik sükutla yad edək. Onlar Vətən yolunda, Azərbaycanın ərazi bütövlüyü yolunda, bizim xoşbəxtliyimiz yolunda canlarını qurban verdilər. Qoy bir daha müharibə olmasın, qoy uşaqlar atalı-analı böyüsünlər, qoy ölkəmizdə daima sülh olsun! Biz bütün şəhidlərimiz önündə baş əyirik və onların əziz xatirəsini daim uca tutacağımıza söz veririk!" Videoçarxı saytımızın videoqalereyasından və ya linkdən izləyə bilərsiniz: https://www.youtu.be/KSMTARIlmOA
