"Dəyərlərimizlə gələcəyimizi qoruyaq" mövzusunda tədbir keçirildi
13.02.2020-ci il tarixində məktəbimizdə Pətək İB və Təhsil Nazirliyinin dəstəyi ilə "Dəyərlərimizlə gələcəyimizi qoruyaq" layihəsi çərçivəsində təqdimat keçirildi. 90-a yaxın məktəblinin iştirak etdiyi təqdimat çox maraqlı keçdi. Təqdimatın keçirilməsində məqsəd qədim və zəngin tarixi olan xalqımızın həyatın bütün sahələrini əhatə edən dəyərlərə söykənən adət-ənənəsini qorumaq və nəsildən-nəslə ötürmək idi.
Tədbirdə bir qrup oğlan və qız arasında "Ədəb, əxlaq, sevgi, vəfa, həya nədir?” mövzusunda diskusiya-yarışma keçirildi. Yarışma zamanı şagirdlərin cavabları təqdimatı daha maraqlı və canlı etdi.
Milli- mənəvi dəyərlərimizə əsaslanan "Dəyərlərimizlə gələcəyimizi qoruyaq" şüarı altında keçirilən bu tədbirin gələcəkdə vətənpərvər övladların yetişməsində müstəsna rolu olacaqdır.
