“MƏKTƏBLİNİN DOSTU” LAYIHƏSININ ƏMƏKDAŞLARI KORONAVİRUSLA BAĞLI MAARİFLƏNDİRİCİ TƏDBİR KEÇİRDİLƏR
05.02.2020-ci il tarixində "Məktəblinin dostu " layihəsinin əməkdaşları tərəfindən koronavirusla bağlı maarifləndirici tədbir keçirildi. Onlar hal-hazırda gündəmdə olan və bütün dünyada təhlükəli hal alan virusun yaranma səbəbləri, ilkin simptomları barədə geniş məlumat verdilər. Virusdan qorunmaq üçün ən yaxşı yolun gigiyenik qaydalara əməl etmək, bol maye qəbul etmək və mümkün qədər istirahət etmək olduğunu bildirdilər. Daha sonra layihə əməkdaşları uşaqları maraqlandıran sualları cavablandırdılar. Onlar üçün təhlükə yarada biləcək hər bir vəziyyəti dönə-dönə izah etdilər. Sonda “Məktəblinin dostu” layihəsinin əməkdaşları şagirdlərə izah olunan simptomlardan hər hansı biri baş verərsə, dərhal məktəbin tibb işçilərinə və ya həkimlərə bu barədə məlumat vermələrini tövsiyə etdilər.
