Məktəbimizdə musiqili- əyləncəli tədbir keçirildi
Aprelin 28-də məktəbimizin III sinif şagirdləri musiqi müəllimi Səbinə Musazadənin rəhbərliyi ilə “Sehrli musiqi dünyasına səyahət” adlı maraqlı və rəngarəng tədbirlə çıxış etdilər. Tədbirdə məktəbin müəllimləri, valideynlər və başqa məktəblərdən dəvət olunmuş qonaqlar iştirak edirdilər. Uşaqlar bu sehirli dünyada öz maraqlı ifaları, oynaq rəqsləri, şən mahnıları ilə tamaşaçıları sevindirdilər. Şagirdlərin ifa etdiyi xarici rəqslər, “Yeddi səs” haqqında mahnı, “Ven valsı”, oğlanların “Centlemen” rəqsi dinləyicilərin böyük marağına səbəb oldu. Uşaqlar hazırladıqları bütün rəqsləri xoreoqrafik qaydalara uyğun şəkildə tamaşaçılara təqdim etdilər. Tədbirdə nümayiş etdirilən “Turac” rəqsi xüsusi marağa səbəb oldu. Rəqsi nümayiş etdirən şagird tamaşaçılara bu rəqsin tarixi haqqında məlumat verdi. Tədbirdə uşaqlar musiqinin insan həyatında nəyə qadir olduğunu bir daha sübut etdilər və bütün iştirakçılara yüksək əhval -ruhiyyə bəxş etdilər.
