Dünya Azərbaycanlılarının Həmrəylik Gününə həsr olunmuş silsilə tədbirlər keçirildi
28.12.2019-cu il tarixində məktəbimizdə Dünya Azərbaycanlılarının Həmrəylik Gününə həsr olunmuş silsilə tədbirlər keçirildi. 4a sağlam təhsil sinfində “Səsimiz bürüsün bütün cahanı” adlı tədbirdə bütün şagirdlər bu günün əsaslarından , həmin dövrü əhatə edən hadisələrdən ,dünyanın müxtəlif ölkələrində yaşayan azərbaycanlı həmvətənlərimizin bu günü bayram kimi qeyd etdiklərindən söhbət açdılar. Eyni xalqa mənsub insanların tikanlı sərhəd məftillərini sökərək bir-birlərinə olan sevgilərini bildirmələrindən danışaraq mühüm günün tarixi əhəmiyyətini vurğuladılar. Sonra şagirdlər həmrəylik şüarı ilə səslənən şeirlər, musiqilər , xüsusi səhnəciklər və rəqslər ifa edərək tədbirə xüsusi rəng qatdılar. Sonda şagirdlər dünyanın bütün nöqtələrində yaşayan həmvətənlərimizin adından xəritəyə bayraqlar sancaraq hər kəsi Yeni il və Dünya azərbaycanlıların həmrəylik günü münasibəti ilə təbrik etdilər . Bununla yanaşı 5e sinfində “Ağbəniz və yeddi cırtdan” adlı kiçik səhnəciklə şagirdlərimiz valideynlər və müəllimlər qarşısında çıxış etdilər. Onlar da öz növbələrində Yeni il və Dünya azərbaycanlıların həmrəylik günü münasibətilə hər kəsi təbrik edərək tədbiri sonlandırdılar.
