Beynəlxalq Yer gününə həsr olunmuş təlimlər keçirildi
21.04.2016-cı il tarixində məktəbimizdə Beynəlxalq Yer gününə həsr olunmuş “Azərbaycan ərazisindəki sürüşmə zonaları” və “Su və onun müasir ekoloji problemləri” mövzusunda şagirdlərə təlimlər keçirildi. Tədbirdə şagirdlərə su və onun formulu haqqında yapon alimlərinin mülahizələri, Azərbaycandakı sürüşmə zonaları barədə maraqlı slaydlar və video-çarxlar nümayiş olundu. Təlimçilər: AMEA-nın nəzdində fəaliyyət göstərən Respublika Seysmoloji Xidmət Mərkəzinin mühəndisi Mina Zakir qızı Babayeva və Geologiya şöbəsinin kiçik elmi işçisi Ülviyyə Emin qızı Maniyeva idi. Görüşdə Azərbaycan Respublikasının Prezidenti yanında Bilik Fondunun Perspektiv inkişaf və layihələrin monitorinqi qrupunun aparıcı məsləhətçisi Almaz Axundova, Beynəlxalq layihələr sektorunun mütəxəssisi Aytən Xubanova və Fondun əməkdaşı Abbas Əliyev iştirak etdilər. Sonda təlimçilər şagirdləri maraqlandıran sualları cavablandırdılar.
