"Əfsanəyə çevrildin" Heydər Əliyevin anım gününə həsr olunmuş tədbir
12.12.2019-cu il tarixində “Əfsanəyə çevrildin” adlı tədbir keçirildi. Tədbir Ulu öndər Heydər Əliyevin anım gününə həsr olunmuşdu. Tədbirdə 9-cu sinif şagirdləri tərəfindən hazırlanmış kompozisiya yer almışdı. Heydər Əliyevin yaradıcılığı barəsində məlumatlarla başlayan kompozisiya bədii şeirlərlə davam etdirildi. Tədbirdə iştirak edən məktəbin müəllimləri Ulu Öndərimizin şərəfli ömür yolundan, Vətənimiz qarşısında tarixi xidmətlərindən , onun böyük siyasi və dövlət xadimi, xalqın şəksiz lideri olaraq hələ sağlığında canlı əfsanəyə çevrildiyindən danışdılar. Azərbaycan tarixinə böyük iz salan dahi şəxsiyyətin yolunu davam etdirən İlham Əliyevin fəaliyyətindən danışan şagirdlər ölkəmizin nüfuzunun gündən-günə necə artığını da vurğuladılar. Daha sonra məktəb direktoru və direktor müavini dahi şəxsiyyətlə olan xatirələrini şagirdlərlə bölüşdülər. Bir dəqiqəlik sükutla başlanan tədbir sonda hazırlanmış video-çarxın izlənilməsi ilə yekunlaşdırıldı.
