"Məktəbdə şagirdlərin ədəb və davranış qaydaları" mövzusu çərçivəsində debat keçirildi.
14 yanvar tarixində məktəbimizin VI sinif şagirdləri ilə "Məktəbdə şagirdlərin ədəb və davranış qaydaları" mövzusu çərçivəsində debat keçirildi. İlk olaraq məktəbin direktoru S. Əliyeva şagirdlərə ədəb qaydaları haqqında danışdı.Daha sonra isə məktəbdənkənar və sinifdənxaric tərbiyə işi üzrə təşkilatçı C. Əliyev Cavanşir müəllim məktəbdə nizam - intizam qaydalarından söhbət açdı.Bu istiqamətdə müşahidə etdiyi müsbət halları qeyd etdi. Nöqsanlar və neqativ hallar barəsində məlumat verdi və bu halların təkrarlanmaması üçün şagirdlərlə birgə araşdırma apardı.Tədbirdə məktəbin ibtidai sinif müəllimi V. Əmirova da şagirdlərin qarşısında çıxış etdi. Cəmiyyətə özünü düzgün təqdim etməyin və özünüifadənin vacib bir şərt olduğunu vurğuladı.Bu istiqamətdə özünütənqidin - şəxsiyyətin inkişafına təkan verdiyini izah etdi.Qeyd etdi ki,hər kəs öz səhvini anlayıb islah etsə müsbət nəticə əldə etmiş olacağıq.Tədbirin sonunda şagirdlərlə refleksiya keçirildi.Onların gəldikləri yekun nəticələr, qərarlar və qənaətlər açıqlandı.Şagirdlər gələcəkdə bu fəaliyyət istiqamətində effektiv nəticə əldə etmək üçün nələrə diqqət yetirməli olduqlarını qeyd etdilər.
