128 №-li tam orta məktəb

25.04.2024-cü tarixində KA-nın fəaliyyət planına əsasən  təbiət və fizika - riyaziyyat bölməsinin kimya kafedrasının müəllimləri Cəlilova Zülfiyyə və Məmmədova İmmi müəllimənin təşkilatçılığı ilə 9-cu siniflər arasında "Metalların insan həyatında və təbiətdə rolu" adlı təqdimat müsabiqəsi keçirildi. Müsabiqə zamanı şagirdlər hazırladıqları slaydları təqdim edib, fil dişi, karbon qazının alınması, əsasların və turşuların təyin edilməsi və s. kimi təcrübələr apardılar.

24 aprel tarixində Azərbaycan Respublikasının Prezidenti İlham Əliyevin dahi Azərbaycan şairi Məhəmməd Füzulinin 530 illiyinin qeyd edilməsi haqqında imzaladığı sərəncama əsasən Azərbaycan dili-Ədəbiyyat müəllimi Bağırova Günel tərəfindən 8, 9-cu sinif şagirdlərinin iştirakı ilə "Füzuli bir dühadır" adlı dəyirmi masa keçirilib. Məktəbin kitabxanasında baş tutan dəyirmi masada məktəbdənkənar və sinifdənxaric tərbiyə işi üzrə təşkilatçı Əliyev Cavanşir, Azərbaycan dili-Ədəbiyyat fənni üzrə metodbirləşmə rəhbəri Rəsulzadə Cəvahir iştirak edib. Şairin həyatı və yaradıcılığı haqqında ətraflı məlumat verilib, "Vətənimdir" qəzəli səsləndirilib.

23 aprel-Ümumdünya Kitab və Müəlliflik Hüququ Günü münasibəti ilə Azərbaycan Yazıçılar Birliyində , Birliyin sədri, Xalq yazıçısı Anarla görüş keçirilib. Görüşün keçirilməsində əsas məqsəd şagirdlərdə mütailəyə maraq oyatmaq onları ana dilinin incəlikləri, zənginliyi barədə məlumatlandırmaqdan ibarət olub. Daha sonra şagirdlər yazıçının yaradıcılığında tanış olduğu əsərlər barədə müzakirələr aparıblar, onları düşündürən sualları veriblər. Sonda xatirə şəkli çəkilib.

Məktəbin Təsərrüfat işləri üzrə direktor müavini  Kazımova Ülviyyə xanımın Qədim Şuşa torpaqlarına ziyarət etdirdiyi bayrağımız məktəbin fasadına asıldı. Bayrağı ən yüksək bal toplamış XI sinif şagirdi Musa (293) öz sinif şagirdləri ilə birlikdə (250-dən yuxarı) sancdılar. Allah şəhidlərimizə rəhmət eləsin!

Baki Şəhər Təhsil Idarəsinin IV və VI siniflərdə keçiriləcək monitorinqlərin çərçivə sənədinə uyğun olaraq 22 və 23   aprel tarixində məktəbdaxili monitorinq keçirildi.Azərbaycan dili, riyaziyyat və təbiət fənlërindən keçirilən monitorinqlərin əsas məqsədi zamanın düzgün idarə olunması, imtahan(monitorinq) stresinin azaldilması və monitorinqlə bağlı maarifləndirici işlərin həyata keçirilməsidir.