128 №-li tam orta məktəb

Bakı Şəhəri üzrə Təhsil İdarəsi tərəfindən görkəmli elm xadimi Lütfi Zadənin 100 illik yubileyinin keçirilməsi ilə bağlı tədbirlər müəyyənləşdirilib.

Müvafiq əmr ilə təsdiqlənmiş Tədbirlər Planına əsasən, ümumi təhsil müəssisələrində istedadlı şagirdlərin iştirakı ilə professor Lütfi Zadənin elmi yaradıcılığına həsr olunmuş “Dəyirmi masa”,  “Açıq dərs” və bilik yarışlarının təşkili, onun həyat və fəaliyyətini əks etdirən real və virtual sərgilərin nümayişi nəzərdə tutulur.

Məktəblilər arasında Lütfi Zadənin 100 illiyinə həsr olunmuş məntiq, riyaziyyat və informatika  olimpiadaları,  ümumşəhər konfransı keçiriləcək.

Həmçinin görkəmli şəxsiyyətin həyat və yaradıcılığına dair multimedia resurslarının hazırlanması, açıq internet (“YouTube”, “Wikipedia “və s.) resurslarına və video.edu.az portalına yerləşdirilməsi planlaşdırılır.

Bundan başqa, “Azərbaycan müəllimi” qəzetində və “Azərbaycan məktəbi” jurnalında Lütfi Zadənin həyatı və elmi yaradıcılığına həsr olunmuş məqalələr dərc ediləcək.

Tədbirlər Planının icrası barədə Bakı Şəhəri üzrə Təhsil İdarəsi müdirinin əmri

Bakı Şəhəri üzrə Təhsil İdarəsi tərəfindən “Hər kitab bir xəzinədir” adlı  sosial layihəyə start verilib.

23 Aprel-Ümumdünya Kitab və Müəlliflik Hüququ Gününə həsr olunmuş layihənin əsas məqsədi oxu vərdişlərini inkişaf etdirmək və kitabın gündəlik həyatımızın bütün sahələrinə daxil edilməsinə nail olmaqdan ibarətdir. Sosial layihədə mütaliə həyəcanı yaşamaq, mütaliəni vərdişə çevirmək istəyən məktəbli, valideyn və pedaqoji işçilər iştirak edə bilərlər.

Hər bir iştirakçı mütaliə etdiyi kitabdan bəyəndiyi hissəni oxuyaraq video görüntü formatında #HərKitabBirXəzinədir həştəqi ilə “Facebook” sosial şəbəkəsində paylaşmalıdır.

Qeyd edək ki, video görüntü 1 dəqiqədən artıq olmamalı və iştirakçılar video görüntünün əvvəlində oxuduğu kitabın adını və müəllifini qeyd etməlidirlər.

Aprel döyüşləri- böyük zəfərin başlanğıcı. 2016-cı ilin aprelin əvvəlində baş vermiş ermənilərin növbəti təxribatı aprel döyüşləri kimi tarixləşdi.

            Döyüşlər Azərbaycan Ordusunun qələbəsi ilə nıticləndi. Tərtər rayonun Talış kəndi ətrafındakı yüksəkliklər, Cəbrayıl rayonunun Lələtəpə yüksəkliyi, Cocuq Mərcənlı, Gülüstan və Madagiz kəndi istiqamətində bəzi mövqelər düşməndən azad olundu. Amma itkisiz qələbə olmur, bu “ Dördgünlük müharibə” də bir çox Azərbaycan oğulları canlarından keçərək şəhidlik zirvəsinə ucaldılar.

            Məktəbimizin tarix müəllimi Qurbanova Jalə 8-b sinfi ilə aprel hadisələrinə həsr olunmuş açıq dərs verdi. Dərsdə şagirdlər şəhidlərə həsr olunmuş şeirlər söyləyib, əbədi-bədii kompozisiyalar nümayiş etdirdilər, sənədli filmə baxdılar. “Aprel döyüşləri” gənclərin hərbi vətənpərvərlik ruhunun yüksəlməsində də böyük rol oynadı və əminliklə deyə bilərik ki, bu günki qələbəmizin başlanğıcı məhz “Aprel döyüşləri” ilə başladı.

https://youtu.be/J4rCNyFlHIc

Paytaxtdakı ümumi təhsil müəssisələri üzrə dərslər distant formada təşkil edilsə də, Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil məktəblərində dezinfeksiya işləri və müvafiq qabaqlayıcı tədbirlərin həyata keçirilməsi intensivləşdirilib.

Hazırda BŞTİ-nin tabeliyindəki ümumi təhsil müəssisəsində koronavirusa qarşı dezinfeksiya işlərinin aparılması davam etdirilir.

Paytaxtdakı 8 nömrəli tam orta məktəbdə həyata keçirilən dezinfeksiya prosesini KİV nümayəndələri də izləyib.

Məlumat verilib ki, Bakı Şəhəri üzrə Təhsil İdarəsi ilə Bakı Şəhər Dezinfeksiya Stansiyasının bölmələri arasında bağlanılmış müqavilə əsasında İdarənin tabeliyindəki təhsil müəssisələrində aparılan dezinfeksiya işləri mütəmadi xarakter daşıyır və sanitar-gigiyenik vəziyyət nəzarətdə saxlanılır.

Qeyd edək ki, koronavirus pandemiyası şəraitində sağlamlığına həssas yanaşan təhsil işçiləri zəruri olan vaksinasiya prosesində fəal iştirak edirlər.

Bundan əlavə, təhsil işçilərinin COVID-19 əleyhinə vaksinasiyaya daha aktiv qoşulması üçün #TəhsilÜçünVaksinasiya həştəq kampaniyasına start verilib.

Bütün bunlar ənənəvi tədrisin bərpası üçün həyata keçirilən zəruri tədbirlərin tərkib hissəsidir.

31 Mart Ermənilərin Azərbaycanlılara qarşı törətdiyi soyqırımın 103-cü il dönümü ilə əlaqədar məktəbimizin tarix müəllimi Qurbanova Jalə və təlim-tərbiyə işləri üzrə direktor müavini Əliyev Cavanşir 8-b sinfi ilə soyqırım haqqında filmə baxdılar və qeyd olundu ki, 1918-ci il 30 mart və 3 aprel tarixləri arasında Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ,Naxçıvan və digər ərzailərdə bolşeriklərdən və Daşnaqsütundan olan erməni silahlı dəstələrinin azərbaycanlılara qarşı törətdikləri soyqırım nəticəsində 12 minə yaxın azərbaycanlı qətlə yetirilmiş on minlərlə insan itkin düşmüşdür. Daha sonra bir daha şagirdlərin diqqətinə çatdırıldı ki, xalqımıza qarşı əsirlər boyu bir çox soyqırımlar törədilmiş, amma təəssüflər olsun ki, uzun illər siyasi müstəvidə qiymətini almamışdır.

                1998-ci il martın 26-da Ümumilli lider Heydər Əliyevin fərmanı ilə hadisələrə adekvat siyasi qiymət verilib və 31 Mart “Azərbaycanlıların Soyqırımı Günü” elan edilib.