"Zəfər bizimdir" adlı tədbir keçirildi.
Noyabr ayının 7-də məktəbin akt zalında zəfər gününə həsr olunmuş "Zəfər bizimdir" adlı tədbir keçirildi. Tədbir Azərbaycan Respublikasının Dövlət Himninin səsləndirilməsi və torpaqlarımızın bütövlüyü uğrunda canlarından keçən şəhidlərimizin əziz xatirəsinin bir dəqiqəlik sükutla yad edilməsi ilə başlayıb. Tədbirdə məktəb rəhbərliyi, kollektivi, Khan Academy-nin Azərbaycandakı nümayəndəliyi, valideynlər və şagirdlər iştirak edirdi. Tədbir zamanı kənd məktəblərində Təhsildə İnkişaf və İnnovasiyalar üzrə Qrant müsabiqəsinin qalibi, məktəbimizin riyaziyyat müəllimi Aynur Qasımovanın həyata keçirdiyi "Kənd məktəblərində Riyaziyyat və Həndəsə Üzrə Beynəlxalq Təlimlər" adlı layihənin rəsmi açılışı oldu. Tədbirdə şagirdlər bir-birindən maraqlı çıxışları ilə qonaqları diqqətə gətirdilər. Sonda məktəbin direktoru Sədaqət Əliyeva çıxış edərək şagirdlərə təşəkkürünü bildirdi və xatirə şəkli çəkdirdilər.
