ORİQAMİ-nin təşkil etdiyi layihədə şagirdlərimizin iştirakı
02 May 2022-ci il tarixində Maştağa qəsəbəsində, «Oriqami» uşaq və yeniyetmələr ictimai birliyində, Ramazan Bayramı ilə əlaqədar olaraq yeniyetmələrin ( 69 nəfər) və pedaqoji kollektivlərin nümayəndələri (17 nəfər) iştirakı ilə Ramazan süfrəsi təşkil olunmuşdur.
«Oriqami» QHT-nin sədri Namiq Nəcəfov Ramazan Bayramı münasibəti ilə bütün iştirakçıları ictimai birlik adından salamlamış,təbrik etmiş,onlara can sağlığı,xeyir-bərəkət, firavanlıq və yeniyetmələrə təhsildə uğurlar arzulamışdır.
Ramazan Bayramının təşkilinə göstərdiyinə diqqət, qayğı və dəstəyə görə E.Məmmədov cənabına dərin minnətdarlıq ifadə edilmişdir.
Bakı şəhəri,Sabunçu rayonu, Maştağa qəsəbəsində yerləşən Nəriman Nərimanov adına 128 №li tam orta məktəbin və Cavid Nurməmmədov adına 108 № li tam orta məktəbin pedaqoji kollektivlərinin nümayəndələri çıxışlarında yeniyetmələrin təlim-tərbiyəsində xalqımızın adət-ənənələrinin yaşadılmasının əhəmiyyətindən danışmış,»Oriqami» təşkilatına bu tədbirin təşkilinə görə təşəkkür etmiş və xatirə hədiyyələri təqdim etmişlər.
