Şagirdlərimiz gəzintidə
İstirahətin və asudə vaxtın səmərəli təşkili məktəblilərin istər fiziki, istərsə də psixi sağlamlığı nöqteyi-nəzərindən böyük məna kəsb edir. Çünki uşaqların əxlaqi və estetik tərbiyəsinin inkişafında istirahətin özünə məxsus yeri var. Tətilin müxtəlif yerlərdə keçirilməsi uşaqlarda xoş təəssürat gözəl əhval-ruhiyyə yaradır. Uşaqlar bir-biri ilə fikir mübadiləsi edir, təəssüratlarını bölüşür, yeni məlumatlar əldə edirlər.
Bayram günlərini daha səmərəli təşkil etmək üçün məktəbimizin 6-a və 7-b sinif şagirdləri müəllimlər Qurbanova Jalə, Pirverdiyeva Nəcibə, Nuriyeva Çiçəyin təşkilatçılğı ilə Qobustan Dövlət Tarix və Bədii Qoruğuna ekskursiya etmişlər. Ekskursiya şagirdlərin böyük marağına səbəb olmuşdur.